2024-yilning 28-mart kuni O‘zbekiston Respublikasi tashqi ishlar vaziri o‘rinbosari Bobur Usmanov Xitoy Xalq Respublikasi Sichuan provinsiyasi gubernatori o‘rinbosari Tszou Yunsyan bilan uchrashdi.

Muzokaralar chog‘ida O‘zbekistonning Xitoy, xususan, Sichuan provinsiyasi bilan hamkorligini kengaytirish masalalari muhokama qilindi. Hududlararo aloqalarni chuqurlashtirish hamda savdo-iqtisodiy, investitsiyaviy, turizm, ta’lim va boshqa sohalardagi hamkorlik uchun mavjud salmoqli salohiyatdan foydalanish istiqbollariga alohida e’tibor qaratildi.

Avtomobilsozlik, “yashil” energiya va “aqlli” qishloq xo‘jaligi sohalarida qo‘shma loyihalarni amalga oshirishdan o‘zaro manfaatdorlik bildirildi.