Ўзбекистон ва Афғонистон Ҳайратон–Мозори Шариф темир йўлидан фойдаланиш бўйича янги келишувни имзолади
Ўзбекистон ва Афғонистон Ҳайратон–Мозори Шариф темир йўлидан фойдаланиш бўйича янги келишувни имзолади
ТОШКЕНТ, 12 февраль. /«Дунё» АА/. Бугун “Согдиана транс” ширкат корхонаси ва “Афғонистон темир йўллари” бошқармаси ўртасида Ҳайратон–Мозори Шариф темир йўлидан фойдаланиш бўйича янги келишув имзоланди, деб хабар қилмоқда “Дунё” АА мухбири.
«O‘zbekiston temir yo‘llari» АЖнинг Facebookдаги саҳифасида маълум қилинишича, келишувга биноан, “Согдиана транс” 2 йил давомида ушбу ҳудудда ўз фаолиятини давом эттиради.
Бундан ташқари, томонлар биргаликда Мозори Шариф бекатига юкларни етказиб беришни тезлаштиришни келишиб олди ва “Афғонистон темир йўллари” бошқармасининг маҳаллий мутахассисларини тайёрлашга алоҳида эътибор қаратди.
Маълум қилинишича, 10-11 февраль кунлари Афғонистонга 714 та юк вагонлари етказилган. Юкларни етказиш давом эттирилмоқда.
SAYLOV-2024
E-navbat
O‘zbekiston Tashqi ishlar vazirligi
O‘zbekiston Respublikasi Investitsiyalar va tashqi savdo vazirligi